एशिया इस्टर्न रीजन क्रिकेट: सन्दीपको तीन विकेट, मलेशियाको १५४ रन
एशिया इस्टर्न रीजन ट्वेन्टी२० क्रिकेट प्रतियोगिताको पहिलो खेल जित्नको लागि नेपालले १५५ रन बनाउनु पर्ने भएको छ।
थाइल्यान्डमा भइरहेको खेलमा मलेशियाले नेपालविरुद्ध २० ओभरमा ६ विकेट गुमाएर १५४ रन बनाएको हो।
 |
| Source: ACC |
नेपालका लागि स्पीनर सन्दीप लामिछानेले तीन, अविनाश बोहराले दुई र करण केसीले एक विकेट लिए।
मलेशियाका तर्फबाट सैयद मुबारकले नटआउट ५१, अनवर अरुदीनले ३१, मोहम्मद फैज नूरले ३० रन र अमिनुद्दिन रामलीले २९ रन बनाए।
- विश्व कीर्तिमान बनाउँदै नेपालले अमेरिकालाई हरायो
- क्रिस गेलसहित विश्वका चर्चित क्रिकेट खेलाडीहरू नेपालमा खेल्ने
एशिया कपको छनौट प्रतियोगिता
प्रतियोगितामा थाइल्यान्ड, सिङ्गापुर र हङ्कङ समावेश छन्।
सबै सहभागी राष्ट्रले एकअर्का विरुद्ध खेलेपछि शीर्ष दुई स्थानमा रहने टोलीले अगस्टमा कुवेत र यूएईसँग खेल्नेछ।
मलेशियामा हुने सो प्रतियोगिताबाट सेप्टेम्बरमा पाकिस्तानमा हुने टी२० एशिया कप खेल्ने देश छनौट हुनेछ।
एशिया कपमा भारत, श्रीलङ्का, बाङ्ग्लादेश र अफगानिस्तान पनि सहभागी हुनेछन्।
